زهراء عبد الفتاح عباس | |
رسالة الى ........
2007/2/12
.. 0 التعليقات
.. رابط
قبل السلام اللى ما تعرف عنه شئ أنا هسألك هل انت أب هل انت عم هل انت خال ولأسره رب وقبل ما تجاوب سؤالى أنا عرفته من البارود من الدمار على الحدود من قتل الاف البشر من شرب كأس مليان بدم الصبايا عندك مرايا بص فيها تشوف عيون مليانه نار هتشوف ايدين فيها دمارهتشوف ودان فيها رماد الانفجار هتشوف مرار اذا كنت تعرف يعنى ايه هو المرار تانى اسألك أما تنام ايه اللى بتشوفه فى منامك....؟؟ وأنا هقولك على الاجابة بتشوف سحابه مضلله فوق الغلابة لكنها سحابه دمار بتصب نار على الكبار على الصغار سحابه لا تروى ربوع ولا ترحم دموع المحرومين ويا الغلابة بتقول زمان هتلر طغا وعدا الحدود ما تقولى ايه الفرق؟؟ بين هتلر وبينك لما اندفن اطفال صغار تحت الرمال لا يعرفوا معنى البارود ولا يعرفواحتى النبال
أطفال يا دوب أولاد سنه راحوا كما راح الجدود لما راحت أم حاضنة طفلها بنار الجنود كان طفلها بيرضع لبنها والعنين سارحه فى أملهاوالايدين الناعمة تلعب فى الشفايف والحنان والحب نيل من غير سدود وفى ثوانى لقينا دم الام نازل فوق وش الرضيع واللبن بقى لونه أحمر والرضيع بيشرب ما يعرف انه بيشرب دم امه وانطرح على الارض يصرخ من الالم بس مين يقدر فى أحضانه يضمه وتانى مره أسألك هل انت أب هل انت عم هل انت خال ولأسره رب
أضافة تعليق { الصفحة الأخيرة } { من 38 } { الصفحة التالية } |
أهلاً و سهلاً من أنا؟ الأرشيف أصدقائي صوري وصلاتموقع أول التعليمي الإلكتروني لبرمجيات ودورات الحاسب الآلي المجانيةالموقع الرسمي للأستاذ الدكتور / محمد رفعت البسيوني الأقسامآخر المقالاتالوصايا العشرياريت تشارك معانا هكذا علمتني الحياة !!!!!!!!!! انت تختار " انصحك بلاش الوظيفة من الأول!؟ " الآن تقرير الجهاز المركزي للمحاسبات لا يفوتك أحوال مصر بالأرقام الرسمية أصدقائي |
