زهراء عبد الفتاح عباس

الفلاح والأرض

كان فلاحنا المصرى زمان

طول الليل فى الغيط سهران

يروى ويزرع ارضه حنان

وتشوف فيها الخير الوان

*********

ويقوم دايما م الفجريه

يصحى يصلى بهمة اويه

وبعد مايفطر لقمه هنية

يسرح غيطه م البدرية

*********

كان فلاح مليان اصرار

شقيان دايما ليل ونهار

زرع القمح وجنبه خضار

والخير عمال يملى الدار

*********

وانت بتهمل ارضك ليه

لابس بدله وعامل بيه

والجيب فاضى مفيهش جنيه

اجرى لغيطك واتعب فيه

*********

بعد القمح ياناس والفول

ساب الارض وشال محمول

وجاب الدش وصار مشغول

موضوع ياابنى وشرحه يطول

*********

ارضك شيلها فى نن عنيك

واعرق فيها عشان تديك

والنيل ليل ونهار حواليك

*********

واحنا دخلنا فى عصر جديد

عايزين خيرنا فى مصر يزيد

وشباب يبنى بعزم شديد

علشان يبقى قرارنا سديد

***********************************

إمضاء /~::*::- زهراء -::*::~